حرارة كورولا 2013

تأكد من المراوح كلها شغاله اعتقد وحده منهم طافيه

هل فيه ماء بالرديتر ووش نوع الماء اللي تركبه
 وهل المراوح شغاله؟

لا والله ياغالي ماهو طبيعي
المفترض ماتعدي الحراره الشرطه الثانيه سواء اشتغل المكيف
او لا
شيك.على المراوح وغير مويه اللديتر اصلي مع تنظيف اللديتر
غير بلف الحراره
كلها شغلات اساسيه تكلفتها بسيطه تعتبر جزء من الصيانه الدوريه
بالذات مع قدوم الصيف

عليكم السلام
لاماهو طبيعي وبدون مكيف توصل للنص والنص اقل من
اللي بالصورة وكثر ارتفاع الحرارة يعدم لك المكينه لاتهمل
المشكلة

مع المكيف تكون الحراره على الثلث وتكون اقل من كذا
شيك على المراوح وسرعتها واذا تمام
بعده ابدأ بالسهل تغيير بلف وماء رديتر
وغطا وان اشاء الله تنحل باقل التكاليف

مثل ماقال الشباب ماهي طبيعي
شوف الوكالة ايش الزيت الموصى به لاتعدم المحرك

اعتقد المشكله من الرديتر مقفل وصخ
رح صيخ رديتر وغير ماء الرديتر ب شي ممتاز واصلي

مو طبيعي اخوي معاه نفس سيارتك وشغال مندوب اغلب اليوم في الشوارع وماشاء الله م توصل النص الحرارة

التويوتا خذها قاعدة حرارته في الوضع الطبيعي ربع أتكلم وقت شتاء واجواء حلوة او حر خفيف في عز الصيف والحوسه ومع الزحمات والوقفات ترتفع شرطة ان كثرت ثنتين لين حدود الثلث ما تتعداها


وصولها للنص مهب طبيعي شيك على موترك


والسؤال الحين المهم حرارتك وين توصل وهي تمشي في عز النهار نفس الشي ولا ربع ولا ثلث ؟


اذا كانت نازله مرة وسليمة على سرعات عالية أتكلم 80 الى 100 او فوق وحرارتها طبيعية والمشكلة عندك في الوقوف هنا بتكون مشكلتك في المراوح اذا حتى وهي تمشي مرتفعة شوي عن ال الطبيعي في عندك مشكلة في دورة التبريد وشيك عليها



بالتوفيق

يعطيكم العافية جميعا

ترا مو معناته مؤشر الحرارة ع الربع يعني درجة الحرارة 20 ذا مؤشر بس

واقرب نقص بالماي ولا ضعف خفيف بالمراوح تشوفها تولع الشعب يحسب ان المؤشر نازل يعني المكينة ثلج تراه مؤشر وهمي تسويقي فقط لاغير

واغلب سيارات تويوتا الحين ولكزس تعدل مؤشرها وصار يوصل قريب النص وهي جديده ووكالة

ع العموم ي صاحب الموضوع شيك ع الماي والمراوح عندك مشكله فيها

انا من يوم شريتها وهي كذا الحراره بالنص وخليتها مثل ما هي والحمد لله ما قد واجهت اي مشاكل :)

يعطيكم العافية جميعا غيرت غطا الرديتر 

وغيرت موية اصلية الحمدلله ضبطت الامور واتحسنت الحرارة عندي